این آئی اے نے پلوامہ میں دہشت گردی کے ملزم کی زمین ضبط کر لی

سرینگر؍۲۳؍اپریل
نیشنل انویسٹی گیشن ایجنسی (این آئی اے) نے جمعرات کو جموں و کشمیر کے ضلع پلوامہ میں ایک دہشت گردی کے ملزم کی ملکیتی زمین کو ضبط کر لیا۔
حکام کے مطابق این آئی اے کی ایک ٹیم نے راجپورہ کے علاقے ابہامہ میں۳ء۲ کنال پر مشتمل زمین کو ضبط کیا۔ یہ جائیداد تنویر احمد وانی نامی شخص کی ہے، جو غیر قانونی سرگرمیوں کی روک تھام ایکٹ کے تحت درج ایک مقدمے میں ملزم ہے۔
یہ کارروائی غیر قانونی سرگرمیوں کی روک تھام ایکٹ کی دفعہ۳۳(۱) کے تحت عمل میں لائی گئی۔
زمین کی ضبطی کا حکم رواں سال جنوری میں جموں کی این آئی اے عدالت کی جانب سے جاری کیا گیا تھا۔ایجنسیز