سرینگر؍۲۳؍ اپریل
جموں و کشمیر پولیس نے حال ہی میں لشکر طیبہ کے بین ریاستی دہشت گرد نیٹ ورک کے مزید چار ارکان کو گرفتار کیا ہے جن میں ایک خاتون بھی شامل ہے۔
سرکاری ذرائع نے جمعرات کو یہ اطلاع دیتے ہوئے کہا کہ یہ گرفتاریاں دہشت گردی کے ماڈیول کی جاری تحقیقات کے دوران کی گئیں۔
اس ماہ کے شروع میں، پولیس نے پاکستان میں مقیم دو دہشت گردوں عبداللہ عرف ابوہریرہ اور خبیب عرف عثمان باہی کے ساتھ ساتھ دنیہامہ کے رہائشی غلام محمد میر عرف ماما کو گرفتار کیا تھا۔
تحقیقات کے دوران حضرت بل کے رہائشی ان چار اوور گراؤنڈ ورکرز کو پکڑا گیا۔ ان کے پاس سے کچھ اسلحہ اور گولہ بارود بھی برآمد ہوا ہے۔ملزمین کے خلاف معاملہ درج کر کے تفتیش جاری ہے۔ ایجنسیز