پہلگام حملہ:ہم بھولیں گے اورنہ معاف کریں گے :ایل جی سنہا

جموں؍۲۲؍اپریل
لیفٹیننٹ گورنر منوج سنہا نے۲۲؍اپریل۲۰۲۵ کو پہلگام میں ہونے والے دہشت گرد حملے میں شہید ہونے والے شہریوں کو خراجِ عقیدت پیش کیا۔
اپنے ایک بیان میں انہوں نے کہا’’۲۰۲۵میں آج کے دن پہلگام میں ہونے والے ہولناک دہشت گرد حملے میں جان گنوانے والے معصوم افراد کو خراجِ عقیدت پیش کرتا ہوں۔ ان کی یادیں ہمارے دلوں میں ہمیشہ زندہ رہیں گی۔ میری دعائیں اور ہمدردیاں ان کے اہل خانہ کے ساتھ ہیں‘‘۔
سنہا نے مزید کہا’’ہم نہ بھولیں گے، نہ معاف کریں گے۔ یہ ہمارا پختہ عہد ہے۔ بھارت دہشت گردی کے خلاف متحد ہے۔ ہم جموں و کشمیر کی سرزمین سے دہشت گردی کے مکمل خاتمے کیلئے غیر متزلزل عزم اور پختہ ارادہ رکھتے ہیں۔‘‘
یاد رہے کہ گزشتہ سال۲۲؍اپریل کو تین دہشت گردوں نے، جو پاکستان میں قائم لشکرِ طیبہ سے وابستہ تھے،۲۵سیاحوں اور ایک مقامی گھوڑا بان کو بے دردی سے قتل کر دیا تھا۔
پہلگام حملے کے جواب میں بھارتی مسلح افواج نے گزشتہ سال۷ مئی کو’آپریشن سندور‘ کے تحت پاکستان اور پاکستان کے زیر انتظام جموں و کشمیر میں دہشت گردوں کے ٹھکانوں پر ٹھوس کارروائیاں کیں۔
اس آپریشن کے دوران نو مقامات کو نشانہ بنایا گیا، جن میں لشکرِ طیبہ اور جیشِ محمد کے ہیڈکوارٹرز اور تربیتی مراکز شامل تھے، جہاں سے بھارت کے خلاف دہشت گرد حملوں کی منصوبہ بندی کی جاتی تھی۔
بعد ازاں تینوں دہشت گردوں کو۲۸ جولائی کو سری نگر کے مضافات میں ایک آپریشن، جسے ’آپریشن مہادیو‘ کا نام دیا گیا، کے دوران ہلاک کر دیا گیا۔ یہ دہشت گرد حملے کے بعد داچھی گام،ہارون کے جنگلاتی علاقے میں چھپے ہوئے تھے۔
(ڈی آئی پی آر)