ایجنسیز
سرینگر؍۹؍اپریل
کشمیر میں پولیس نے نارکوٹک ڈرگز اینڈ سائیکوٹروپک سبسٹینسز (این ڈی پی ایس) ایکٹ کے تحت تین الگ الگ معاملات میں ایک کروڑ روپے سے زائد مالیت کی جائیدادیں ضبط کر لی ہیں، حکام نے جمعرات کو بتایا۔
اننت ناگ ضلع میں پولیس نے ایک مبینہ منشیات فروش عمران احمد وانی کی رہائشی مکان اور ایک گاڑی، جن کی مجموعی مالیت۸۰ لاکھ روپے ہے، این ڈی پی ایس ایکٹ کی دفعہ۶۸(ایف) کے تحت ضبط کر لی، پولیس کے ترجمان نے بتایا۔
شوپیاں ضلع میں پولیس نے محمد شفیع کھانڈے کی ملکیت ایک سنگل اسٹوری رہائشی مکان، جس کی مالیت۱۵ء۷۸ لاکھ روپے ہے، ضبط کیا۔
انہوں نے کہا’’یہ جائیداد منشیات اور نارکوٹکس کی غیر قانونی تجارت سے حاصل کی گئی آمدنی سے بنائی گئی تھی‘‘۔
ترجمان نے مزید کہا کہ شوپیاں کے ٹینز علاقے میں پولیس نے محمد ایوب ڈار کی ملکیت ایک غیر منقولہ جائیداد، جس کی مالیت۱۰ء۰۷ لاکھ روپے ہے، ضبط کی۔انہوں نے مزید کہا’’یہ۱۴مرلہ جائیداد منشیات اور نارکوٹکس کی غیر قانونی تجارت سے حاصل شدہ رقم سے حاصل کی گئی تھی۔‘‘
