نئی دہلی، 28 نومبر ( یو این آئی) ہندوستان کے اولمپک طلائی تمغہ یافتہ نیزہ باز نیرج چوپڑا نے ملک کو 2030 کامن ویلتھ گیمز کی میزبانی ملنے پر خوشی کا اظہار کیا ہے۔نیرج چوپڑا نے اپنی سوشل میڈیا پوسٹ میں لکھا ہندوستان کو 2030 میں صد سالہ کامن ویلتھ گیمز کی میزبانی کا شرف حاصل ہوا ہے، جو ایک حقیقی اسپورٹس نیشن بننے کے ہمارے سفر میں نہایت اہم سنگِ میل ہے۔ یہ تاریخی لمحہ ہر ہندوستانی کھلاڑی، کھیلوں کے شائقین اور شہریوں کے لیے باعثِ فخر ہے۔
2030 کے کامن ویلتھ گیمز کی میزبانی گجرات کے شہر احمد آباد کو دی گئی ہے۔ حال ہی میں گلاسگو میں منعقدہ کامن ویلتھ گیمز فیڈریشن (سی جی ایف) کی عام اجلاس میں 74 رکن ممالک نے باضابطہ طور پر احمد آباد کی میزبانی کے حق میں اپنی منظوری دی۔ اجلاس میں رکن ممالک کے نمائندوں نے ہندوستان کی جانب سے پیش کیے گئے میزبانی کے تجویز کو متفقہ طور پر قبول کیا۔
