جموں/۲۶نومبر
ڈائریکٹر اطلاعات نیتش راجورا نے آج ڈائریکٹوریٹ آف انفارمیشن اینڈ پبلک ریلیشنز (ڈی آئی پی آر) میں آئین کی تمہید پڑھ کر یومِ آئین کی تقریبات کی قیادت کی۔
یہ تقریب میڈیا کمپلیکس کے کانفرنس ہال میں منعقد ہوئی۔
جوائنٹ ڈائریکٹر انفارمیشن ہیڈکوارٹرز ڈاکٹر ظہور احمد؛ جوائنٹ ڈائریکٹر انفارمیشن جموں دیپک دوبے؛ ڈپٹی ڈائریکٹر پی آر/اے وی جاوید احمد راتھر؛ ڈپٹی ڈائریکٹر انفارمیشن جموں آشو کماری؛ ایڈمنسٹریٹو آفیسر رینو شرما؛ اکاؤنٹس آفیسر، انفارمیشن آفیسرز اور محکمہ کے دیگر افسران و اہلکاروں نے بھی ان تقریبات میں حصہ لیا۔
موقع پر خطاب کرتے ہوئے ڈائریکٹر نے کہا کہ آئین ہماری جمہوریت کی روح ہے اور یہ ہماری قومی شان و شوکت کا دستاویز ہے۔ انہوں نے مزید کہا کہ اس دن کو منانا دراصل ہمارے آئین کے بانیان کو خراجِ عقیدت پیش کرنا ہے۔
ڈائریکٹر نے محکمہ کے افسران اور اہلکاروں پر زور دیا کہ وہ خود کو دوبارہ ان قدروں کے تحفظ کے لیے وقف کریں جو ہمارے آئین کی روح کو بیان کرتی ہیں، جیسے کہ انصاف، آزادی، مساوات اور وقار۔ڈی آئی پی آر
