کیوراساؤ، ہیتی اور پاناما نے ورلڈ کپ میں جگہ بنالی

میکسیکو سٹی، 19 نومبر (یو این آئی ) کیوراساؤ نے اپنی تاریخ میں پہلی بار فیفا ورلڈ کپ کے لیے کوالیفائی کرلیا، جبکہ ہیتی نے نصف صدی بعد فٹبال کے سب سے بڑے ٹورنامنٹ میں واپسی کی، یہ سب CONCACAF ورلڈ کپ کوالیفائرز کے ڈرامائی آخری دن ممکن ہوا۔کیوراساؤجس کی آبادی صرف 1 لاکھ 56 ہزار ہےنے تاریخ رقم کرتے ہوئے ورلڈ کپ کے لیے کوالیفائی کرنے والا دنیا کا سب سے چھوٹا ملک بننے کا اعزاز حاصل کرلیا۔یہ کیریبیائی جزیرے میں موجود ایک ملک ہے۔
کنگسٹن میں، کیوراساؤ نے میزبان جمیکا کو بغیر کسی گول کے ڈرا پر روکتے ہوئے گروپ بی میں سرفہرست رہتے ہوئے 6 میچوں میں 12 پوائنٹس حاصل کیے اور ایک پوائنٹ کی برتری سے ورلڈ کپ میں جگہ پکی کرلی۔
دونوں ٹیموں نے جیت کے لیے بھرپور کوشش کی اور مجموعی طور پر 29 شاٹس لگائے۔
آزادی پارک، کنگسٹن میں کھیلے گئے میچ میں ریگے بوائز کو 89ویں منٹ میں جھٹکا لگا، جب جون رسل کو خراب فاؤل پر دوسرا پیلا کارڈ دکھا کر میدان سے باہر کردیا گیا۔کیوراساؤجس کی آبادی صرف 1 لاکھ 56 ہزار ہےنے تاریخ رقم کرتے ہوئے ورلڈ کپ کے لیے کوالیفائی کرنے والا دنیا کا سب سے چھوٹا ملک بننے کا اعزاز حاصل کرلیا۔
اس سے قبل یہ ریکارڈ آئس لینڈ کے پاس تھا، جس نے 2018 کے روس ورلڈ کپ میں تقریباً 3.5 لاکھ آبادی کے ساتھ جگہ بنائی تھی۔ہیتی، جو آخری بار 1974 میں ورلڈ کپ میں نظر آیا تھا، نے نکاراگوا کو 0-2 سے شکست دے کر اگلے سال امریکہ، میکسیکو اور کینیڈا میں ہونے والے ورلڈ کپ میں براہِ راست جگہ حاصل کرلی۔
یہ میچ کیوراساؤ کے دارالحکومت ولیمسٹیڈ میں ہوا، جہاں ہیتی کی ٹیم کیریبیئن ملک میں جاری بدامنی کے باعث اپنے "ہوم” کوالیفائرز کھیلنے پر مجبور ہے۔
ہیتی کے لیے لوئیشیس ڈیڈسن اور روبن پروویڈنس نے پہلے ہاف میں گول اسکور کیے۔
CONCACAF کی تیسری ٹیم جو براہِ راست ورلڈ کپ میں پہنچی ہے وہ پاناما ہے، جس نے گروپ اے میں السلواڈور کو 0-3 سے ہرا کر پہلی پوزیشن حاصل کی۔سیزر بلیک مین اور ایرک ڈیوس نے پہلے ہاف میں گول کیے، جبکہ جوز روڈریگیز نے 85ویں منٹ میں اسکور مکمل کیا۔
سورینام جو اپنی تاریخ میں پہلی بار ورلڈ کپ کھیلنے کی کوشش میں تھا اور جمیکا، دونوں بہترین رنرز اپ کے طور پر پلے آف میں پہنچ گئے۔ہونڈوراس بہتر گول اسکورنگ ریکارڈ نہ ہونے کے سبب پلے آف میں جگہ نہیں بنا سکا، جبکہ کوسٹا ریکا بھی باہر ہوگیا۔