ڈھاکہ، 18 نومبر (یو این آئی) بنگلہ دیش خواتین ٹیم کا ہندوستان کا دورہ فی الحال مؤخر کر دیا گیا ہے۔ اس سیریز میں دونوں ٹیموں کے درمیان تین ون ڈے اور تین ٹی20 میچز کھیلنے تھے۔
بی سی بی کے ایک ترجمان نے منگل کو ای ایس پی این کرک انفو سے بات کرتے ہوئے تصدیق کی کہ بورڈ کو بی سی سی آئی کی طرف سے ایک خط ملا ہے جس میں کہا گیا ہے کہ یہ سفید گیند کی سیریز کسی اور وقت منعقد کی جائے گی۔
اس مؤخر کرنے کی کوئی رسمی وجہ بیان نہیں کی گئی، لیکن خیال کیا جا رہا ہے کہ ہندوستان اور بنگلہ دیش کے درمیان موجودہ سیاسی کشیدگی اس فیصلے کی اہم وجہ رہی۔
یہ سیریز آئی سی سی کے فیوچر ٹورز پروگرام کا حصہ تھی اور ڈبلیو پی ایل کے اگلے ایڈیشن سے پہلے ہندوستان کی آخری بین الاقوامی سیریز ہونے والی تھی۔ یہ میچز کولکاتا اور کٹک میں ہونے کی توقع تھی۔ ون ڈے میچز دونوں ٹیموں کے لیے نئی ویمنز ون ڈے چیمپیئن شپ کے آغاز کے طور پر بھی اہم تھے۔
اس سے قبل اس سال ندوستان منس ٹیم کی ٹی20 اور ون ڈے سیریز کو بھی آگے بڑھا کر ستمبر 2026 کر دیا گیا تھا، جو اصل میں اگست 2025 میں ہونی تھی۔ اس وقت بی سی سی آئی نے کہا تھا کہ یہ فیصلہ دونوں بورڈز کی مشاورت کے بعد لیا گیا تاکہ دونوں ٹیموں کی بین الاقوامی ذمہ داریوں اور شیڈولنگ کو بہتر طریقے سے سنبھالا جا سکے۔ بی سی سی آئی نے کہا کہ وہ ستمبر 2026 میں ہندوستان کا استقبال کرنے کے لیے پُرجوش ہے۔ دورے کی نئی تاریخیں جلد جاری کی جائیں گی۔
