جنوب مغربی کوریا کے قریب چینی ماہی گیروں کی کشتی پلٹی، 2 کو بچایا گیا 9 لاپتہ

سیول، 10 نومبر (یو این آئی) جنوبی کوریا کی راجدھانی سے تقریباً 180 کلومیٹر جنوب مغرب میں گوسان کے آ کیانگ جزیرے کے قریب پیر کے روز چینی ماہی گیروں کی ایک کشتی پلٹ گئی۔
یونہپ نیوز ایجنسی نے بتایا کہ مقامی وقت کے مطابق صبح 8 بج کر 53 منٹ پر اطلاع ملی کہ 99 ٹن وزنی کشتی جزیرے سے تقریباً 150 کلومیٹر جنوب مغرب میں سمندر میں پلٹ گئی ہے ۔ اس کشتی پر 11 افراد سوار تھے ۔ 2 افراد کو وہاں موجود ایک کارگو جہاز کے عملے نے بچا لیا جبکہ9 افراد اب بھی لا پتہ ہیں۔
جنوبی کوریا کے کوسٹ گارڈ نے تلاش اور بچاؤ کارروائی کے لیے 4 گشتی جہاز اور ایک ہیلی کاپٹر روانہ کر دیا ہے ۔