افغانستان میں زلزلے سے 20 افراد ہلاک، 320 سے زائد زخمی

کابل، 3 نومبر (یواین آئی) افغانستان کے سمنگان صوبے میں مزار شریف کے نزدیک خلم میں اتوار کی رات ایک طاقتور زلزلہ آیا جس کے نتیجے میں 20 افراد ہلاک اور 320 سے زائد زخمی ہوگئے ۔
امریکی جیولوجیکل سروے (یو ایس جی ایس) کے مطابق مقامی وقت کے مطابق تقریباً 12:59 پر آنے والے زلزلے کی شدت ریکٹر اسکیل پر 6.3 تھی۔ زلزلے کا مرکز شمالی شہر مزار شریف کے قریب خلم سے تقریباً 22 کلومیٹر (14 میل) مغرب-جنوب مغرب میں تھا۔
افغان وزارت صحت نے تصدیق کی ہے کہ سینکڑوں زخمیوں کو مزار شریف اور گردونواح کے اسپتالوں میں داخل کرایا گیا ہے اور امدادی ٹیمیں متاثرہ علاقے میں روانہ کر دی گئی ہیں۔
مقامی میڈیا کی ابتدائی رپورٹوں میں مرنے والوں کی تعداد 10 بتائی گئی تھی لیکن بعد میں حکام نے دور دراز علاقوں سے مزید معلومات آنے کے بعد اعداد و شمار کو اپ ڈیٹ کیا ہے ۔