وینزویلا: کان منہدم ہونے کے بعد 12 لاشیں برآمد

کراکس، 21 اکتوبر (یو این آئی) وینزویلا کی جنوبی بولیوار ریاست میں ایک کان منہدم ہونے کے بعد بارہ لاشیں نکالی گئی ہیں۔ گورنر یولسبتھ گارسیا نے پیر کو یہ اطلاع دی۔
ایک اہلکار نے سوشل میڈیا پر بتایا کہ ریسکیو کارکنوں نے ایل کالاؤ شہر میں کواترو اسکوناس کان سے 168 گھنٹے کی مسلسل تلاش کے بعد یہ لاشیں نکالیں۔ گزشتہ ہفتے ، شدید بارشوں کی وجہ سے کان منہدم ہو گئی تھی، جس سے 14 کان کن زیر زمین پھنس گئے تھے ۔
گارسیا نے کہا کہ یہ آپریشن سول ڈیفنس کے اہلکاروں، فائر فائٹرز، اور کان کنوں کی مشترکہ کوشش تھی، جو "عوامی فوجی ہم آہنگی کے ساتھ” کام کر رہے تھے ۔
گورنر نے کہا کہ "ہم تمام متاثرین کے اہل خانہ کے ساتھ گہری تعزیت اور مکمل تعاون کا اظہار کرتے ہیں۔”