بلٹ ٹرین کے لیے گردھر نگر فلائی اوور پر پل کی تعمیر مکمل

احمد آباد، 29 ستمبر (یو این آئی) ممبئی-احمد آباد بلٹ ٹرین پروجیکٹ کے لیے گجرات کے احمد آباد ضلع میں گرددھر نگر فلائی اوور پر پل کا تعمیراتی کام مکمل ہوگیا ہے ۔
پیر کو یہاں نیشنل ہائی اسپیڈ ریل کارپوریشن لمیٹڈ (این ایچ ایس آر سی ایل) کی طرف سے جاری ایک پریس ریلیز کے مطابق، ممبئی-احمد آباد بلٹ ٹرین پروجیکٹ کے ذریعہ احمد آباد ضلع میں دہلی-احمد آباد مین لائن (ویسٹرن ریلوے ) پر واقع گردھر نگر فلائی اوور پر پل (آر او بی) کی تعمیر کامیابی کے ساتھ مکمل ہو گئی ہے ۔ یہ پل موجودہ ریلوے لائن کے متوازی بنایا گیا ہے اور فلائی اوور پر تعمیراتی کام 15 ستمبر کو مکمل ہوا تھا۔
اس کام میں اسپین بائی اسپین (ایس بی ایس) طریقہ استعمال کرتے ہوئے 45 میٹر طویل پل کی تعمیر شامل تھی۔ فلائی اوور پر اسپین کی لمبائی 45 میٹر، وایاڈکٹ کی اونچائی (زمین سے ریل کی سطح تک) 19.5 میٹر ہے ، لانچ کیے گئے سیگمنٹ کی تعداد 19 ہے ، اسپین کا کل وزن 1200 میٹرک ٹن ہے ۔
گردار نگر پل، دو لین والا فلائی اوور ہے احمد آباد میں شاہی باغ، اساورا اور کالوپور کو جوڑنے والا مصروف ترین فلائی اوور ہے ۔ احمد آباد کے ہزاروں باشندوں کے لیے یہ روزانہ کا ایک اہم راستہ ہے ۔ لوگوں کو کم سے کم پریشانیوں کا سامنا کرناپڑے ، اس بات کو یقینی بنانے کے لئے اس فلائی اوور کی لانچنگ کے کا منصوبہ احتیاط سے بنایا گیا تھا اور اسے صرف 12 دنوں میں مکمل کیا گیا، جو کہ 20 ستمبر کے بلاک کی مدت کے اندر تھا۔
ممبئی-احمد آباد بلٹ ٹرین کوریڈور احمد آباد ضلع میں 31 لیول کراسنگ سے گزررہا ہے ، جس میں آٹھ آئی آرکراسنگ، 16 روڈ فلائی اوور، روڈ انڈر پاس، کینال کراسنگ، دریائے سابرمتی پر ایک ندی کا پل اور چھ اسٹیل پل شامل ہیں۔ ان میں سے 15 کراسنگ مکمل ہو چکی ہیں۔