قطر پر حملے میں ٹرمپ کو ملوث نہیں’ کیا: نیتن یاہو

تل ابیب، 17 ستمبر (یو این آئی) اسرائیلی وزیراعظم نیتن یاہو کا کہنا ہے کہ انہوں نے قطر پر حملے میں ٹرمپ کو ملوث نہیں’ کیا۔
نیتن یاہو اسرائیلی اور امریکی میڈیا کی ان رپورٹس کی تردید کرتے دکھائی دیتے ہیں جن میں کہا گیا تھا کہ امریکی صدر کو قطر کے خلاف گزشتہ ہفتے حملوں کے بارے میں پہلے سے علم تھا۔
نیتن یاہو نے کہا کہ میں نے قطر میں کام کرنے کا فیصلہ کابینہ کے ساتھ کیا "یہ میری ذمہ داری تھی، اور ہم نے وائٹ ہاؤس کو شامل نہیں کیا، حملے کے بعد ٹرمپ سے میری کئی بات چیت ہوئی، اور وہ سب اچھی تھیں۔”
ان کا کہنا ہے کہ ٹرمپ نے انہیں دوبارہ وائٹ ہاؤس آنے کی دعوت دی۔
کئی اسرائیلی ذرائع ابلاغ نے نیتن یاہو کا حوالہ دیتے ہوئے کہا ہے کہ وہ اس ماہ کے آخر میں اقوام متحدہ کی جنرل اسمبلی میں اپنی تقریر کے بعد واشنگٹن ڈی سی کا رخ کریں گے ۔
جنوری میں ٹرمپ کے اقتدار سنبھالنے کے بعد اسرائیلی وزیر اعظم کا وائٹ ہاؤس کا یہ چوتھا دورہ ہوگا اور اسرائیل کے قطر پر حملے کے بعد ان کا پہلا دورہ ہوگا۔