منی پور میں سیکورٹی فورسز نے بڑی مقدار میں اسلحہ برآمد کر کے 13 افراد کو گرفتار کیا

امپھال، 5 ستمبر (یو این آئی) منی پور پولیس اور سیکورٹی فورسز نے ریاست کے مختلف اضلاع میں کئی کامیاب کارروائیاں انجام دے کر بڑی مقدار میں اسلحہ، دھماکہ خیز مواد اور منشیات برآمد کیں اور ممنوعہ تنظیموں کے سرگرم کارکنوں اور منشیات اسمگلروں سمیت 13 افراد کو گرفتار کیا ہے ۔
امپھال مشرقی ضلع کے ہینگانگ چنگ اور اس کے آس پاس کے علاقوں سے گزشتہ روز بڑی مقدار میں اسلحہ برآمد کیا گیا۔ برآمد شدہ اسلحے میں ایک اے کے -56رائفل مع میگزین،ایک ایم 16 رائفل مع میگزین،تین دستی بم ،پانچ ٹیوب لانچر،دو پلیٹوں کے ساتھ ایک بلٹ پروف جیکٹ، ایک آر پی جی شیل، 10 راؤنڈ 7.62 ایم ایم کی گولیاں اور 10 راؤنڈ 5.56 ایم ایم کی گولیاں شامل ہیں۔
ایک علیحدہ کارروائی میں، بشنوپور ضلع کے فاؤگاکچاؤ اِکھائی مامانگ لیکائی اور کولبونگ گاؤں ، تھوبال ضلع کے لیلونگ تھارورک علاقے اورامپھال مشرقی ضلع کے پورومپت پولیس تھانے کے تحت خورائی پوتھیبا لیکائی علاقے میں بڑی کارروائیاں انجام دیں۔
اس دوران انسدادِمنشیات مہم کے خلاف ایک کارروائی میں سینا پتی ضلع سے 2.057 کلو براؤن شوگر، دو جیپ اور آٹھ موبائل فون برآمد کر کے پانچ افراد کو تادو بی چیک پوسٹ سے گرفتار کیا گیا۔ان کے قبضے سے 122 صابن کے ڈبوں میں پیک 1.5 کلوگرام براؤن شوگر برآمد کی گئی۔