انڈیگو کی پرواز کی ناگپور میں ہنگامی لینڈنگ

نئی دہلی//کوچی سے دہلی جانے والی انڈیگو ایئر لائن کی پرواز کو سیکورٹی وجوہات کی وجہ سے ناگپور کے ڈاکٹر بابا صاحب امبیڈکر بین الاقوامی ہوائی اڈے پر ہنگامی لینڈنگ کرنا پڑی۔
ایئر لائن کے ترجمان نے بتایا کہ فلائٹ نمبر 6E1272 مسقط سے کوچی آئی تھی اور بعد میں یہی طیارہ منگل کو کوچی سے دہلی کی پرواز پر تھا۔
ترجمان نے کہا کہ سیکورٹی پروٹوکول کے بعد متعلقہ حکام کو فوری طور پر مطلع کیا گیا اور طیارے کو ناگپور کی طرف موڑ دیا گیا۔ پرواز ڈاکٹر بابا صاحب امبیڈکر بین الاقوامی ہوائی اڈے ، ناگپور پر بحفاظت اتر گئی اور تمام مسافروں کو اتار لیا گیا اور حفاظتی جانچ کی جا رہی ہے ۔
ترجمان نے کہاکہ "طیارہ اپنی پرواز دوبارہ شروع کرنے سے پہلے ہم متعلقہ حکام کے ساتھ لازمی سیکیورٹی چیک کرنے میں مکمل تعاون کر رہے ہیں۔”
ترجمان نے کہا کہ انڈیگو ایئر لائنز، ہمارے مسافروں، عملے اور ہوائی جہاز کی حفاظت ہمارے لیے انتہائی اہمیت کی حامل ہے ۔