مارچ میں اسمبلی اجلاس طلب نہ کیا جائے :لون

سرینگر//
جموں و کشمیر پیپلز کانفرنس کے سربراہ سجاد لون نے حکومت کے مارچ میں اسمبلی اجلاس منعقد کرنے کی تجویز کی مخالفت کی ہے ۔انہوں نے کہا کہ ماہ مارچ میں رمضان کا مقدس مہینہ چل رہا ہوگا لہذا اس مہینے میں اسمبلی اجلاس کا انعقاد بیشتر ارکان اسمبلی کے لئے تکیلف دہ ہوگا۔
پیپلز کانفرنس کے سربراہ نے ان باتوں کا اظہار منگل کو ’ایکس‘پر اپنے ایک پوسٹ میں کیا۔
لون نے کہا’’میں منتخب حکومت کو عاجزی کے ساتھ یاد دلانا چاہتا ہوں کہ ماہ مارچ میں رمضان کا مقدس مہینہ چل رہا ہوگا‘‘۔ان کا کہنا تھا’’لہذا اس مہینے میں اسمبلی اجلاس منعقد کرنا بیشتر ارکان اسمبلی کیلئے تکلیف دہ ہوگا‘‘۔