بی جے پی اسمبلی الیکشن کیلئے پوری طرح تیار:رینا

جموں//
بھارتیہ جنتاپارٹی(بی جے پی) کے جموںکشمیر یونٹ کے صدر رویندر رینا نے پیر کو کہاکہ بھاجپا نے اسمبلی الیکشن کے لئے کمر کس لی ہے ۔
رینا نے کہاکہ جموں وکشمیر میں اگلی سرکار بی جے پی کی ہوگی ۔
ان باتوں کا اظہار بی جے پی یونٹ صدر نے کٹھوعہ میں نامہ نگاروں سے بات چیت کے دوران کیا۔
رینا نے کہاکہ الیکشن کمیشن آف انڈیا کو جلد ازجلد جموں وکشمیر میں اسمبلی چناو کا اعلان کرنا چاہئے ۔ان کے مطابق جس طرح سے پارلیمانی الیکشن میں بی جے پی نے شاندار جیت حاصل کی اسی طرح اسمبلی چناو میں بھی بھاجپا کی جیت یقینی ہے ۔
بی جے پی یونٹ صدر نے کہا’’جموں وکشمیر میں اس بار ڈبل انجن سرکار بنے گی اور ہمیں پورا یقین ہے کہ لوگ بی جے پی امیدواروں کو کامیاب بنائیں گے ‘‘۔
رینا کے مطابق جموں وکشمیر میں اگلی سرکار بی جے پی کی ہوگی ۔
بی جے پی یونٹ صدر نے مزید بتایا کہ مودی جی جس طرح سے غریبوں کے لئے کام کر رہے ہیں اس سے یہ عیاں ہے کہ جموں وکشمیر میں اسمبلی چناو میں بی جے پی کے امیدوار کامیابیوں کے جھنڈے گارڈ دیں گے ۔
رینا کا کہنا تھا کہ جموں وکشمیر میں اس وقت خوشحالی کا دور دورہ ہے اور لوگ آزاد فضاوں میں سانس لے رہے ہیں۔