جنگ بندی کی اسرائیلی تجاویز پر غور ہوا

غزہ///
حماس رہنما اسماعیل ہنیہ نے کہا ہے کہ غزہ جنگ بندی معاہدے کی اسرائیلی تجاویز پر مثبت انداز میں غور ہوا ہے۔
مصری حکام سے گفتگو کرتے ہوئے انہوں نے کہا کہ اسرائیلی جارحیت کا خاتمہ کرنے والے معاہدے پر مزید بات چیت کیلئے حماس کا وفد جلد مصر آئے گا۔
ادھر جنگ بندی پر معاہدے پر مزاکرات کے ساتھ غزہ میں اسرائیلی افواج کی جانب سے حملوں کا سلسلہ بھی جاری ہے، صیہونی حملوں میں ایک روز کے دوران مزید 28 سے زیادہ فلسطینی شہید ہوگئے۔
دوسری جانب اقوام متحدہ نے غزہ کی تباہی کو جنگ عظیم دوم کے بعد سب سے بڑی تباہی قرار دیتے ہوئے کہا ہے کہ غزہ کی مکمل تعمیر نو میں 80 سال لگ سکتے ہیں۔