کشمیر میں شبانہ درجہ حرارت میں بہتری:محکمہ موسمیات

سرینگر/27 نومبر

وادی کشمیر میں سرد مگر خشک موسم کے بیچ محکمہ موسمیات نے اگلے چوبیس گھنٹوں کے دوران ہلکے برف و باراں کی پیش گوئی کی ہے ۔

متعلقہ محکمے کے ایک ترجمان نے بتایا کہ جموں وکشمیر میں 27 اور 28 نومبر کو موسم ابر آلود رہ سکتا ہے اور اس دوران کہیں کہیں ہلکی برف باری یا بارشوں کا امکان ہے ۔

ترجمان نے کہا کہ وادی میں 29 اور 30 نومبر کو بھی موسم ابر آلود رہنے کے ساتھ ہلکی سے درمیانی درجے کی برف باری یا بارشیں متوقع ہیں۔

ان کا کہنا تھا کہ بعد ازاں وادی میں یکم دسمبر سے 6 دسمبر تک موسم ابر آلود رہنے کا امکان ہے ۔

ترجمان نے کہا کہ وادی میں اس دوران شبانہ درجہ حرارت میں بہتری متوقع ہے ۔انہوں نے کہا کہ وادی میں ہلکی دھند 28 نومبر تک چھائی رہنے کا امکان ہے ۔

ادھر وادی میں مطلع ابر آلود رہنے کے باعث شبانہ درجہ حرارت میں بہتری ریکارڈ ہوئی ہے ۔

گرمائی دارلحکومت سری نگر میں کم سے کم درجہ حرارت 3.5 ڈگری سینٹی گریڈ ریکارڈ کیا گیا جہاں گذشتہ شب کا درجہ حرارت 0.0 ڈگری سینٹی گریڈ ریکارڈ ہوا تھا۔

سیاحتی مقام گلمرگ میں کم سے کم درجہ حرارت منفی1.2 ڈگری سینٹی گریڈ ریکارڈ کیا گیا جہاں گذشتہ شب کا درجہ حرارت 0.5 ڈگری سینٹی گریڈ ریکارڈ ہوا تھا۔

ایک اور سیاحتی مقام پہلگام میں کم سے کم درجہ حرارت1.5 ڈگری سینٹی گریڈ ریکارڈ کیا گیا جہاں گذشتہ شب کا درجہ حرارت منفی1.8 ڈگری سینٹی گریڈ ریکارڈ ہوا تھا۔

شمالی ضلع کپوارہ میں کم سے کم درجہ حرارت 1.8 ڈگری سینٹی گریڈ ریکارڈ کیا گیا جہاں گذشتہ شب کا کم سے کم درجہ حرارت منفی0.7 ڈگری سینٹی گریڈ ریکارڈ ہوا تھا۔

قصبہ قاضی گنڈ میں کم سے کم درجہ حرارت2.6 ڈگری سینٹی گریڈ ریکارڈ کیا گیا جہاں گذشتہ شب کا درجہ حرارت0.6 ڈگری سینٹی گریڈ ریکارڈ ہوا تھا۔