سرینگر/۲۴ جون
مرکزی وزیر داخلہ امیت شاہ کا کہنا ہے کہ جموں وکشمیر پولیس کے اہلکاروں کی شہادت اس بات کا ثبوت ہے کہ کشمیر اور کشمیر کے لوگ کس کے لئے کھڑے ہیں۔
شاہ نے ہفتے کے روز اپنے ایک ٹویٹ میں کہا”جموں کشمیر پولیس کے متعدد جوانوں کی شہادت جنہوں نے دہشت گردوں سے لڑتے ہوئے اور بے گناہ شہریوں کی حفاظت کے لئے اپنی جانیں قربان کیں، اس بات کا ثبوت ہے کہ کشمیر اور اس کے لوگ کس کےلئے کھڑے ہیں“۔
وزیر داخلہ کا ٹویٹ میں مزید کہنا تھا”آج سری نگر میں ایسے شہیدوں کے لواحقین سے ملاقات کی اور جموں وکشمیر حکومت کی طرف سے ان کے قریبی رشتہ داروں میں تقرری نامے تقسیم کئے “۔
بتادیں کہ مرکزی وزیر داخلہ امیت شاہ کا 2 دنوں پر محیط دورہ جموں وکشمیر ہفتے کے روز اختتام پذیر ہوا۔
شاہ نے اپنے دورے کے آخری دن یکم جولائی سے شروع ہونے والی شری امرناتھ جی یاترا کی تیاریوں کا جائزہ لینے کے لئے بالتل کا دورہ کیا اور اس کے بعد سری نگر کے لالچوک میں واقع پرتاب پارک میں ’بلیدان ستمبھ‘ کا سنگ بنیاد بھی رکھا۔
وزیر داخلہ جموں و کشمیر کے دورے کے لئے جمعہ کی صبح جموں پہنچے تھے جہاں انہوں نے بھگوتی نگر میں ایک عوامی ریلی سے خطاب بھی ک
یا۔
