کولگام میں گاڑی الٹ جانے سے گیارہ سیاح زخمی

کولگام//
جنوبی کشمیر کے کولگام ضلع کے کھڈوانی علاقے میں ہفتہ کو ایک گاڑی الٹ جانے سے گیارہ سیاح اور ایک ڈرائیور زخمی ہو گئے۔
ایک مقامی خبر رساں ایجنسی نے ایک اہلکار کے حوالے سے بتایا کہ سیاحوں کو لے جانے والی گاڑی کھڈوانی بائی پاس پر الٹ گئی، جس کے نتیجے میں ڈرائیور اور سوار گیارہ سیاح زخمی ہوگئے۔
اہلکار نے بتایا’’انہیں علاج کیلئے قریبی اسپتال منتقل کر دیا گیا ہے‘‘۔
دریں اثنا، پولیس نے واقعے کا نوٹس لے لیا ہے اور اس سلسلے میں ایف آئی آر نمبر۳۱/۲۰۲۳ درج کر لی گئی ہے۔