بجبہاڑہ میںمشتبہ ملی ٹینٹوں کی فائرنگ سے نوجوان زخمی

سرینگر//
جنوبی کشمیر کے مرہامہ بجبہاڑہ میں مشتبہ ملی ٹینٹوں نے نوجوان پر فائرنگ کی جس کے نتیجے میں وہ زخمی ہوا ہے ۔
معلوم ہوا ہے کہ سیکورٹی فورسز نے آس پاس علاقوں کو محاصرے میں لے کر حملہ آوروں کی بڑے پیمانے پر تلاش شروع کی۔
اطلاعات کے مطابق پیر کی شام کو جنوبی کشمیر کے مرہامہ بجبہاڑہ میں مشتبہ ملی ٹینٹوں نے عاقب احمد ڈارولد محمد اسماعیل ڈار ساکن جعفر پورہ مرہامہ پر نزدیک سے گولیاں چلائیں جس کے نتیجے میں وہ شدید طورپر زخمی ہوا۔
معلوم ہوا ہے کہ آس پاس موجود لوگوں نے زخمی نوجوان کو طبی امداد کی خاطر سب ضلع ہسپتال بجبہاڑہ پہنچایا جہاں سے ابتدائی مرہم پٹی کے بعد اس سے گورنمنٹ میڈیکل کالج اننت ناگ منتقل کیا گیا۔
ہسپتال ذرائع نے بتایا کہ نوجوان کے بازو میں گولی لگی ہے اور اس کی حالت خطرے سے باہر ہے ۔
دریں اثنا پولیس نے آس پاس علاقوں کو محاصرے میں لے کر حملہ آوروں کی بڑے پیمانے پر تلاش شروع کی ۔