سرینگر/۱۷اپریل
محکمہ موسمیات کی 20 اپریل تک بارشوں کی پیش گوئی کے بیچ وادی کشمیر میں وقفے وقفے سے بارشوں کا سلسلہ شروع ہوا۔
متعلقہ محکمے کے ایک ترجمان کے مطابق وادی میں اگلے چوبیس گھنٹوں کے دوران گرج چمک کے ساتھ کہیں کہیں بارشوں کا امکان ہے ۔
انہوں نے کہا کہ 18 اور19 اپریل کو میدانی علاقوں میں ہلکی سے درمیانی درجے کی بارشیں جبکہ پہاڑی علاقوں میں برف باری متوقع ہے ۔
ان کا کہنا تھا کہ اس دوران گرج چمک کے ساتھ بیس سے تیس کلو میٹر فی گھنٹہ کی رفتار سے تیز ہوائیں چل سکتی ہیں اور ژالہ باری ہونے کا بھی امکان ہے ۔
ترجمان نے کہا کہ بعد ازاں وادی میں 19 سے 21 اپریل تک رک رک کر ہلکی سے درمیانی درجے کی بارشیں متوقع ہیں۔
انہوں نے کہا کہ 17 اور18 اپریل کو پہاڑی علاقوں میں کہیں کہیں زمینی ٹرانسپورٹ متاثر ہوسکتا ہے اور دن کا درجہ حرارت پانچ سے چھ ڈگری سینٹی گریڈ گر سکتا ہے ۔
ادھر سرینگر میں گذشتہ چوبیس گھنٹوں کے دوران3.9 ملی میٹر بارش ریکارڈ ہوئی ہے جبکہ قاضی گنڈ میں 0.8 ملی میٹر، پہلگام میں3.5 ملی میٹر، کپوارہ میں 5.4 ملی میٹر، گلمرگ میں 10.8 ملی میٹر بارش ریکارڈ ہوئی ہے ۔
بارشوں کے بیچ وادی کشمیر میں شبانہ درجہ حرارت میں کہیں گراوٹ تو کہیں بہتری واقع ہوئی ہے ۔
سری نگر میں کم سے کم درجہ حرارت10.7 ڈگری سینٹی گریڈ ریکارڈ کیا گیا جو گذشتہ شب کے درجہ حرارت سے 0.2 ڈگری سینٹی گریڈ کم ریکارڈ ہوا تھا۔
سیاحتی مقام گلمرگ میں کم سے کم درجہ حرارت 3.5 ڈگری سینٹی گریڈ ریکارڈ کیا گیا جو گذشتہ شب کے درجہ حرارت سے 0.3 ڈگری سینٹی گریڈ کم ریکارڈ ہوا تھا۔
ایک اور سیاحتی مقام پہلگام میں کم سے کم درجہ حرارت 5.5 ڈگری سینٹی گریڈ ریکارڈ کیا گیا جو گذشتہ شب کے درجہ حرارت سے 0.3 ڈگری سینٹی گریڈ زیادہ ریکارڈ ہوا تھا۔
شمالی ضلع کپوارہ میں کم سے کم درجہ حرارت 8.7 ڈگری سینٹی گریڈ ریکارڈ کیا گیا جو گذشتہ شب کے درجہ حرارت سے 1.5 ڈگری سینٹی گریڈ کم ریکارڈ ہوا تھا۔
قصبہ قاضی گنڈ میں کم سے کم درجہ حرارت 8.8 ڈگری سینٹی گریڈ ریکارڈ کیا گیا جو گذشتہ شب کے درجہ حرارت سے 1.0 ڈگری سینٹی گریڈ زیادہ ریکارڈ ہوا تھا۔
NNNN
