مودی نے ہم وطنوں کو رمضان کی مبارکباد دی

نئی دہلی//
وزیر اعظم نریندر مودی نے جمعہ کو رمضان کے مقدس مہینے کے آغاز کے موقع پر ہم وطنوں کو مبارکباد دی۔
مودی نے آج ٹویٹ کیا’’رمضان کے آغاز پر مبارکباد۔ خدا کرے یہ مقدس مہینہ ہمارے معاشرے میں مزید اتحاد اور ہم آہنگی لائے ۔ یہ غریبوں کی خدمت کی اہمیت کی بھی تصدیق کرے ‘‘۔
رمضان المبارک امت مسلمہ کیلئے مقدس ترین مہینہ ہے ۔ اس پورے مہینے میں لوگ طلوع آفتاب سے غروب آفتاب تک روزہ رکھتے ہیں۔ رمضان المبارک کو اسلامی کیلنڈر کا نواں اور برکتوں کا مہینہ کہا جاتا ہے ۔
رمضان کا یہ مہینہ کبھی۲۹تو کبھی ۳۰دنوں کاہوتا ہے ۔کشمیر میں رمضان المبارک کا آغاز جمعرات ۲۳ مارچ کو ہواجبکہ جموں اور ملک کے دوسرے حصوں میں آج اس مقدس ماہ کا پہلا دن تھا ۔