حج۲۰۲۳: فارم داخل کرنے کی تاریخ میں دس دنوں کی توسیع

سرینگر///
حج کمیٹی آف انڈیا (ایچ سی او آئی) نے جمعہ کو ایک اہم فیصلے میں حج فارم داخل کرنے کی تاریخ میں ۲۰ مارچ تک توسیع کرنے کا اعلان کیا۔
ایچ سی او آئی کے رکن ایر اعجاز حسین نے کہا کہ حج ۲۰۲۳ کے فارم بھرنے کی تاریخ میں ۲۰ مارچ تک توسیع کر دی گئی ہے۔ حسین کاکہنا تھا’’حج کے خواہشمند ۲۰ مارچ تک فارم بھر سکتے ہیں۔ حج فارم حج کمیٹی کی ویب سائٹ پر دستیاب ہیں‘‘۔
اس سال‘حسین نے کہا کہ حج۸۰ہزار روپے سستا کیا گیا ہے جبکہ مکہ مکرمہ اور مدینہ منورہ میں عازمین کے لیے بہتر سہولیات کو یقینی بنایا گیا ہے۔
اس سال حجاج کرام کی سہولت کے لیے ملک بھر میں ۲۵ ایمبارکمنٹ پوائنٹس بنائے ہیں۔ انہوںنے کہا کہ دس ہزار سے زیادہ عازمین جموں کشمیر سے حج کریں گے جبکہ ایک لاکھ ہندوستانی عازمین حج۲۰۲۳ کیلئے روانہ ہونے کی امید ہے۔