سنجواں اور بٹھنڈی جموں میںتیسرے روز بھی ہڑتال اور احتجاج

جموں//
جموں وکشمیر کی سرمائی راجدھانی جموں کے بٹھنڈی اور سنجواں میں مسلسل تیسرے روز بھی لوگوں نے احتجاجی مظاہرئے کئے ۔
معلوم ہوا ہے کہ جمعرا ت کی صبح مرد و زن، بوڑھے اور بچوں نے انتظامیہ کی جانب سے نوٹسیں اجرا کرنے کے خلاف احتجاجی جلوس نکالا۔
جلوس کے شرکاء مین شاہراہ پر آئے اور احتجاجی مظاہرئے کئے ۔
مظاہرین نے بتایا کہ انتظامیہ کی جانب سے لوگوں کو نوٹسیں فراہم کرنا نا انصافی ہے اورا س کو کسی بھی صورت میں برداشت نہیں کیا جائے گا۔انہوں نے بتایا کہ پچھلے پچاس سالوں سے وہ یہاں پر رہائش پذیر ہیں اور آج انتظامیہ کی جانب سے اُنہیں نوٹسیں اجرا کرکے زمین خالی کرنے کے بارے میں دھمکی دی جارہی ہیں۔
اُن کے مطابق صرف ایک مخصوص کیمونٹی کو ہی نشانہ بنا رہا ہے جس کو کسی بھی صورت میں برداشت نہیں کیا جائے گا۔انہوں نے کہا کہ ضلعی انتظامیہ کو فوری طورپر فیصلے کو واپس لینا چاہئے ۔