جموںوکشمیرمیں ڈیجیٹل دور کا آغاز :تمام آف لائن خدمات آج سے ختم ہوجائیںگی

جموں/16جنوری
ایک اہم فیصلے میں جموںوکشمیر نے آج سے مکمل طور پر ڈیجیٹل ہونے کا فیصلہ کیا ہے ۔
اِس بات کا فیصلہ چیف سیکریٹری ڈاکٹرارون کمار مہتا نے آج سیکرٹریوں کی کمیٹی ( سی او ایس ) کی میٹنگ میں کیا جس میں تمام اِنتظامی سیکرٹریوں نے شرکت کی۔
ایک سرکاری بیان کے مطابق ڈاکٹر ارون کمار مہتا نے کمشنر سیکریٹری آئی ٹی کو ہدایت دی کہ وہ اِس بات کو یقینی بنائیںکہ تمام سرکاری خدمات آج سے صرف بذریعہ آن لائن موڈ دستیاب ہوں۔
ڈاٹر مہتا نے اِس بات کا اعادہ کیا کہ کوئی بھی سروس آف لائن نہیں رہے گی اور درخواست دہندگان کو کسی بھی خدمات کے حصول کےلئے کسی بھی سرکاری دفاتر میں جانے کی ضرورت نہیں ہے ۔
چیف سیکریٹری نے تمام سیکرٹریوں کو ہدایت دی کہ وہ اِس بات کی نگرانی کریں کہ خدمات آن لائن بغیر کسی پریشانی کے فراہم کی جارہی ہیں۔
ڈاکٹر مہتا نے انہیںعوام کی مدد فراہم کرنے کےلئے اِنتظامی محکموں ،ایچ او ڈی کی سطح پر اور ضلع ترقیاتی کمشنروں کے دفاتر میں کنٹرول روموں کوبنانے کا مشورہ دیا۔ اُنہوں نے اُن سے مہم چلانے کو کہا تاکہ عوام میں بیداری پیدا ہو۔ اُنہوں نے ان سے کہا کہ وہ تعلیمی اِداروں اور پنچایت سطح پر بیداری پروگرام منعقد کریں۔
چیف سیکریٹری نے تمام اَفسران پر زور دیا کہ وہ اَپنے اَپنے محکموں کی طرف سے فراہم کی جانے والی تمام خدمات کا نوٹس لیں اور ان احکامات پر عمل درآمد کریں۔
ڈاکٹر مہتا کو بتایا گیا کہ تمام محکموں میں زائد اَز 400 خدمات پہلے ہی آن لائن موڈ میں پیش کی جاچکی ہےں او ران میں سے بہت سے آر اے ایس کے کوالٹی چیک اور فیڈ بیک حاصل کرنے کے طریقہ کار کے ساتھ مربوط ہیں۔ یہ بھی انکشاف ہو اکہ یہ خدمات عام لوگوں کی آسانی اور مفت رسائی کے لئے اِی۔ اُنّت ، سروس پلس اور ڈیجی لاکر کے دیجیٹل پورٹل پر بھی موجود ہیں۔