سری لنکا کے وزیر خزانہ تقرری کے ایک دن بعد ہی مستعفی

کولمبو//
معاش بحران میں گھرے سری لنکا کے نئے وزیر خزانہ تقرری کے ایک دن بعد ہی مستعفی ہوگئے۔
بین الاقوامی خبر رساں ادارے کے مطابق وزیر خزانہ علی صابری نے صدر گوٹابایا راجا پاکسے کی جانب سے تقرری کے ایک دن بعد ہی استعفیٰ دے دیا ہے۔
انہوں نے صدر کو لکھے گئے خط میں کہا کہ میں وزیر خزانہ کے عہدے سے فوری طور پر استعفیٰ دیتا ہوں،کیونکہ ملک شدید معاشی بحران کا شکار ہے۔صدر گوتابایا راجا پاکسے نے پیر کو اپنی کابینہ تحلیل کرنے اور اپنے بھائی باسل راجا پاکسے کو ہٹانے کے بعد صابری کا تقرر کیا تھا جو پہلے بھی وزیر خزانہ رہ چکے تھے۔
واضح رہے کہ سری لنکا کے صدر کی جانب سے اپوزیشن جماعتوں کو دی گئی ایک اتحادی حکومت کے قیام کی تجویز مسترد کردی گئی ہے۔
اپوزیشن جماعتیں خوردنی اشیاء، ایندھن اور دواؤں کی بد ترین قلت پر حکومت سے مستعفی ہونے کا مطالبہ کررہی ہیں۔