جموں/۲۴دسمبر
جموںکشمیر پولیس نے لشکر طیبہ سے وابستہ چارملی ٹینٹ مدد گاروں کے خلاف عدالت مجاز میں چارج شیٹ دائر کیا۔
ایس ایس پی راجوری نے بتایا کہ گرفتار شدگان ضلع راجوری میں تخریبی کارروائیوں میں براہ راست ملوث تھے ۔
راجوری پولیس نے ہفتے کے روز چار ملی ٹینٹ معاونین کے خلاف عدالت میں چارج شیٹ پیش کیا۔
پولیس کے ایک ترجمان نے بتایا کہ طالب حسین ولدحیدر شاہ ساکن دراج کوٹرناکہ ، محمد شبیر ولد غلام حسن ، محمد صادق ولد ابراہیم ساکن کوٹرناکہ، اور محمد قاسم عرف سلیمان ولد محمد شفیع ساکن انگرالہ ریاسی حال پاکستان نامی ملی ٹینٹ معاونین کے خلاف این آئی آئی کی خصوصی عدالت میں چارج شیٹ دائر کیا گیا۔
انہوں نے بتایا کہ تین ملزمان کو امسال جون اور جولائی میں گرفتار کیا گیا جبکہ محمد قاسم ساکن پاکستان رواں برس ہی سرحد عبور کرنے میں کامیاب ہوا ۔
اُن کے مطابق راجوری ، پونچھ اور ڈوڈہ میں ملی ٹینسی کو پھر سے فروغ دینے میں قاسم کا ہاتھ ہے ۔
دریں اثنا ایس ایس پی راجوری نے نامہ نگاروں سے بات چیت کے دوران بتایا کہ راجوری میں ملی ٹینسی کو فروغ دینے میں مذکورہ معاونین کا ہاتھ رہا ہے ۔
انہوں نے بتایا کہ ضلع میں تخریبی سرگرمیوں کو انجام دینے اور نوجوانوں کو ملی ٹینٹ صفوں میں شامل کرانے میں لشکر طیبہ کے مدد گارپیش پیش تھے ۔
