مودی کا تساہل کیخلاف انتباہ‘ ماسک پہننے پر زور

نئی دہلی//
دنیا کے کچھ حصوں میں کووڈ۱۹ کے معاملات میں اضافے کے درمیان، وزیر اعظم نریندر مودی نے حکام کو ہدایت کی کہ وہ خاص طور پر بین الاقوامی ہوائی اڈوں پر جاری نگرانی کے اقدامات کو مضبوط کریں۔
مودی نے ماسک پہننے پر زور دیتے ہوئے کہا کہ ابھی کووڈ ختم نہیں ہوا ہے ۔
وزیر اعظم نے آج ملک میں کووڈ۱۹کی صورتحال، صحت کے بنیادی ڈھانچے اور وسائل کی تیاری ، ملک میں ٹیکہ کاری مہم کی صورتحال اور نئے کووڈ۱۹کی شکلوں کے پھیلاؤ اور ملک میں ا ن کی صحت عامہ پر اثرات کا جائزہ لینے کیلئے ایک اعلیٰ سطحی میٹنگ کی صدارت کی۔
یہ اعلیٰ سطحی جائزہ میٹنگ بعض ممالک میں کووڈ۱۹معاملوں میں آئی تیزی کے پس منظر میں ہوئی ہے۔
صحت کے سیکریٹری اور نیتی آیوگ کے ممبر کے ذریعے بعض ممالک کے بڑھتے ہوئے معاملات سمیت عالمی کووڈ۱۹صورتحال سے متعلق ایک جامع پریزنٹیشن دی گئی۔
وزیر اعظم کو مطلع کیا گیا کہ۲۲ دسمبر ۲۰۲۲ کو ختم ہونے والے ہفتے میں ہندوستان میں مسلسل گراوٹ دیکھی جارہی ہے۔ اوسط روزانہ کے معاملے گر کر ۱۵۳ ہوگئے ہیں اور ہفتہ وار بہتری کی شرح۱۴ء۰فیصد تک کم ہوگئی ہے۔حالانکہ پچھلے ۶ہفتوں سے عالمی سطح پر۹ء۵لاکھ روزانہ اوسط معاملے درج کئے گئے ہیں۔
وزیر اعظم نے تساہل پسندی کے خلاف خبردار کیا اور سخت نگرانی کی صلاح دی۔ انہوں نے دوہرایا کہ کووڈ ابھی ختم نہیں ہوا ہے اور حکام کو خاص طور پر بین الاقوامی ہوائی اڈوں پر چل رہے نگرانی اقدامات کو مضبوط کرنے کی ہدایت دی۔
وزیر اعظم نے یہ یقینی بنانے کی ضرورت پر زور دیا کہ تمام سطحوں پر مکمل کووڈ بنیادی ڈھانچہ آلات‘ عمل اور انسانی وسائل کے پس منظر میں تیاریوں کو اعلیٰ سطح پر بنائے رکھا جائے گا۔انہوں نے ریاستوں کو آکسیجن سیلنڈر ، پی ایس اے پلانٹ، وینٹی لیٹر اور انسانی وسائل سمیت اسپتال کے بنیادی ڈھانچے کی آپریشنل تیاری کو یقینی بنانے کے لئے کووڈ کی مخصوص سہولتوں کا آڈٹ کرنے کی بھی صلاح دی۔
وزیر اعظم نے حکام کو جانچ اور جینومک تربیت کی کوششوں کو تیز کرنے کی ہدایت دی۔ریاستوں کو کہا گیا ہے کہ وہ روزانہ کی بنیاد پر جینوم سیکوینسنگ کیلئے نامزد کردہ آئی این ایس اے سی او جی جینوم سیکوینسنگ لیبارٹریز (آئی جی ایس ایل) کے ساتھ بڑی تعداد میں نمونے شیئر کریں۔ اس سے ملک میں گردش کرنے والی نئی قسموں کی بروقت پتہ لگانے میں مدد ملے گی اور صحت عامہ کیلئے ضروری اقدامات کرنے میں بھی مدد ملے گی۔
وزیر اعظم نے سب سے کووڈ سے متعلق مناسب رویے پر ہمہ وقت عمل کرنے پر زور دیا۔ خاص طور سے آنے والے تہواروں کے سیزن کو دیکھتے ہوئے، جس میں بھیڑ بھاڑ والے عوامی مقامات پر ماسک پہننا بھی شامل ہے۔ وزیراعظم نے اس بات پر بھی زور دیا کہ احتیاطی خوراک کے تعلق سے خاص طور سے کمزور اور بزرگ گروپوں کی حوصلہ افزائی کی جانی چاہئے۔
مودی کو مطلع کیا گیا کہ دواؤں، ٹیکوں اور اسپتال میں بستروں کا جہاں تعلق ہے، یہ ضرورت کے مطابق دستیاب ہیں۔ انہوں نے ضروری دواؤں کی دستیابی اور قیمتوں کی مستقل نگرانی کرنے کی صلاح دی۔
صحت کی دیکھ بھال کرنے والے فرنٹ لائن ورکرز کے ذریعے عالمی سطح پر کئے جانے والے قابل ستائش کام پر روشنی ڈالتے ہوئے وزیر اعظم نے ان سے اسی بے لوثی اور وقف طریقے سے اپنا کام جاری رکھنے پر اصرار کیا۔