گجرات کی طرح جموں کشمیر میں بھی اپنے بل بوتے پر حکومت بنائیں گے: رینا

جموں//
گجرات اسمبلی انتخابات میں بھارتیہ جنتا پارٹی ( بی جے پی )کی تاریخی جیت پر جموں وکشمیر میں اس پارٹی کے کارکنوں نے جشن منایا اور مٹھائیاں تقسیم کیں۔
بی جے پی کے یونٹ صدر‘ رویندر رینا نے کہاکہ گجرات کی طرح جموںکشمیر اسمبلی انتخابات میں بھی بھارتیہ جنتاپارٹی اپنے بل بوتے پر حکومت بنانے میں کامیاب ہوگی۔
یو این آئی اردو کے نامہ نگار نے بتایا کہ جموں میں پارٹی دفتر کے باہر بی جے پی کارکنوں نے گجرات میں ملی جیت کے بعد جشن منایا اور مٹھائیاں تقسیم کیں۔
نامہ نگاروں سے بات چیت کے دوران جموں وکشمیر بھاجپا یونٹ کے صدر نے کہاکہ جیت کا سہرا وزیر اعظم مودی کو جاتا ہے ۔انہوں نے کہاکہ وزیرا عظم نریندر مودی کی سربراہی میں بھاجپا نے ساتویں بار گجرات میں جیت حاصل کرکے ریکارڈ قائم کیا۔انہوں نے کہا’’ بھاجپا نے لوگوں سے جتنے بھی وعدئے کئے اُنہیں پورا کیا گیا‘‘۔
جموںکشمیر میں اسمبلی انتخابات کے بارے میںرینا نے کہا’’مجھے پورا یقین ہے کہ گجرات کی طرح ہی یہاں پر بھی بی جے پی اپنے بل پر حکومت بنانے میں کامیابی ہوگی‘‘۔اُن کے مطابق موجودہ مرکزی حکومت نے پچھلے تین برسوں کے دوران جموںکشمیر کے لوگوں کے مسائل حل کرنے کے ساتھ ساتھ یہاں پر تعمیر وترقی کے کام شروع کئے ۔
رینا نے بتایا کہ جموں کے ساتھ ساتھ کشمیر کے لوگ بھی بھاجپا کے ساتھ اپنی وابستگی جتا رہے ہیں اور آنے والے اسمبلی چناو میں بی جے پی کامیابیوں کے جھنڈے گارڈنے میں کامیاب ہوگی۔