مذہب کی بنیاد پر سیاست نے ملک کو ’گہرا نقصان‘ پہنچایا

جموں//
ڈیموکریٹک آزاد پارٹی (ڈی اے پی)کے چیئرمین ‘غلام نبی آزاد نے منگل کو کہا کہ مذہب کی بنیاد پر سیاست نے ملک کو ’گہرا نقصان‘ پہنچایا ہے اور ووٹروں سے کہا کہ وہ ’تقسیم کرنے والوں‘ کو شکست دینے کیلئے ووٹ ڈالنے سے پہلے ہر امیدوار اور اس کی پارٹی کا ٹریک ریکارڈ چیک کریں‘‘۔
آزاد نے بعض جماعتوں کی طرف سے سیاسی فائدے کیلئے مذہبی تقسیم کو ہوا دینے کے مروجہ رجحان کو ’بدقسمتی‘ قرار دیا اور انہیں چیلنج کیا کہ وہ ترقیاتی امور پر ان سے بحث کریں۔
ڈی اے پی کے سربراہ نے جموں کشمیر کے ڈوڈہ ضلع کے کستی گڑھ میں ایک جلسہ عام سے خطاب کرتے ہوئے کہا ’’مذہبی سیاست نے ہمارے ملک کو گہرا نقصان پہنچایا ہے اور لوگوں کو نقصان اٹھانا پڑا ہے کہ آگے کوئی ترقی پسند روڈ میپ دستیاب نہیں ہے۔‘‘
عوام سے تقسیم کی سیاست کو مسترد کرنے کو کہتے ہوئے انہوں نے کہا کہ وہ ترقی کی بنیاد پر امیدواروں اور پارٹیوں کو ووٹ دیں۔
آزاد نے کہا کہ عصری دنیا میں مذہبی سیاست کی کوئی جگہ نہیں ہے۔’’انہیں (ووٹرز) ووٹ ڈالنے سے پہلے ہر امیدوار اور اس کی پارٹی کا ٹریک ریکارڈ چیک کرنا چاہیے۔ تفرقہ ڈالنے والے عزائم کو شکست دینے کا یہی واحد طریقہ ہے‘‘ ۔
کسی سیاسی جماعت کی شناخت کیے بغیر، ڈیموکریٹک آزاد پارٹی (ڈی اے پی) کے رہنما نے کہا کہ جموں کشمیر میں بھی لوگوں کو مذہبی خطوط پر تقسیم کرنے کی کوششیں کی جا رہی ہیں۔انہوں نے کہا ’’یہ بدقسمتی کی بات ہے کہ کچھ سیاسی جماعتیں اپنے سیاسی مفادات کے حصول کے لیے لوگوں کو مذہبی بنیادوں پر تقسیم کرنے کی کوشش کر رہی ہیں۔ اس کے بجائے وہ ترقیاتی امور پر توجہ مرکوز کریں گے، اور ہمارے نوجوانوں کے لیے روزگار کے مواقع پیدا کریں گے۔ لیکن وہ جانتے ہیں کہ وہ ڈیلیور نہیں کر سکتے اس لیے وہ اقتدار حاصل کرنے کیلئے فرقہ وارانہ حکمت عملی اپناتے ہیں۔‘‘
آزاد نے عوام کو جموں کشمیر کے اڑھائی سال کے وزیر اعلیٰ کے طور پر اپنے دور کی یاد دلائی اور اسے سابقہ ریاست کا سنہری ترقیاتی دور قرار دیا۔
ڈی اے پی کے سربراہ نے کہا کہ وادی ٔچناب کو یکے بعد دیگرے حکومتوں نے نظر انداز کیا اور کوئی حقیقی ترقی نہیں ہوئی۔انہوں نے کہا ’’ جب میں وزیر اعلیٰ بنا تو میں نے وادی چناب کیلئے سڑکیں‘ سکول اور ہسپتال بنائے۔ یہاں تک کہ ایک یونیورسٹی اس وقت قائم کی گئی جب اس خشکی سے گھرے خطے میں بنیادی تعلیم کیلئے اسکول بھی دستیاب نہیں تھے‘‘۔
آزاد نے مزید کہا ’’جموں کشمیر اور وادی چناب کے لوگوں کو خاص طور پر تقسیم کرنے والے ایجنڈے کو مسترد کرنا چاہیے اور ڈی اے پی میں شامل ہونا چاہیے تاکہ مرکز کے زیر انتظام علاقے میں امن، ہم آہنگی اور ترقی کو یقینی بنایا جا سکے‘‘۔
وادی چناب ایک دریائی وادی ہے جو دریائے چناب سے بنی ہے۔ یہ اصطلاح جموں ڈویڑن کے ڈوڈہ، کشتواڑ اور رامبن اضلاع کے لیے بھی اجتماعی طور پر استعمال ہوتی ہے۔