سری نگر لہیہ شاہراہ پر تین روز بعد ٹریفک کی آمدورفت بحال

سرینگر/ 16نومبر
سرینگر لہیہ شاہراہ کو بدھ کے روز ٹریفک کی آمدورفت کے لئے کھول دیا گیا ہے ۔
بتادیں کہ سوموار کو ہوئی برف باری کی وجہ سے سری نگر لہیہ شاہراہ کو عارضی طورپر ٹریفک کی نقل حمل کے لئے بند کردیا گیا تھا جس کے نتیجے میں سونہ مرگ اور منی مرگ میں سینکڑوں گاڑیاں درماندہ ہو گئیں تھیں۔
سرکاری ذرائع نے بتایا کہ موسم میں بہتری آنے کے ساتھ ہی زوجیلا کے دونوں اطراف برف ہٹانے کا کام مکمل کیا گیا جس کے بعد بدھ کے روز درماندہ گاڑیوں کو آگے چلنے کی اجازت دی گئی۔
لوگوں سے کہا گیا ہے کہ سر ی نگر لہیہ شاہراہ کی موجودہ حالت معلوم کئے بغیر سفر کرنے سے پرہیز کریں۔