حزب کا’ لانچنگ کمانڈر‘شوکت احمد دہشت گرد قرار

سرینگر///
حکومت ہند نے عسکریت پسند تنظیم حزب المجاہدین کے چیف لانچنگ کمانڈر شوکت احمد شیخ کو جموں و کشمیر میں دہشت گردی اور تشدد پھیلانے کے الزام میں غیر قانونی سرگرمیاں (روک تھام) ایکٹ ۱۹۶۷ کے تحت دہشت گرد قرار دیا ہے۔
جبکہ‘غیر قانونی سرگرمیاں (روک تھام) ایکٹ‘۱۹۶۷ (۱۹۶۷ کا۳۷) (جسے بعد میں مذکورہ ایکٹ کہا جائے گا) کو افراد اور انجمنوں کی بعض غیر قانونی سرگرمیوں کی زیادہ موثر روک تھام اور دہشت گردی کی سرگرمیوں سے نمٹنے کے لیے نافذ کیا گیا ہے۔
اطلاعات کے مطابق شوکت احمد شیخ شوکت موچی ولد غلام نبی شیخ۔ گنی حمام، بارہمولہ، جموں و کشمیر میں سال۱۹۷۰ میں پیدا ہوئے، جو اس وقت پاکستان میں مقیم ہیں، عسکریت پسند تنظیم حزب المجاہدین کے چیف لانچنگ کمانڈر کے طور پر کام کر رہے ہیں۔جب کہ حزب المجاہدین کو مذکورہ ایکٹ کے پہلے شیڈول کے تحت سیریل نمبر ۸ میں عسکریت پسند تنظیم کے طور پر درج کیا گیا ہے۔
مذکورہ شوکت احمد شیخ جموں و کشمیر میں عسکریت پسندوں کے تشدد کو پھیلانے میں اہم کردار ادا کررہا ہے۔وہیں شوکت احمد شیخ شمالی کشمیر میں اپنے ساتھیوں کے نیٹ ورک کی وجہ سے عسکریت پسندوں کی دراندازی اور واپسی اور عسکریت پسندوں کے حملوں کو انجام دینے میں اہم رول ادا کررہا ہے۔