کورونا وائرس کے ۳۹۷ مثبت معاملات

جموں//
جموں کشمیر میں پچھلے چوبیس گھنٹوں کے دوران کورونا وائرس کے۳۹۷نئے معاملات سامنے آئے ہیں۔
اس مدت کے دوران کورونا سے مزید ایک مریض کی موت ہو ئی ہے ۔
ایک سرکاری بیان میں کہا گیا ہے کہ مجموعی ۳۹۷مثبت معاملات میں سے ۲۷۵کاکشمیر اور ۱۲۲ کا تعلق جموں صوبہ سے ہے۔
اِس طرح مثبت معاملات کی کل تعداد۴لاکھ۶۵ہزار۱۶۳تک پہنچ گئی ہے‘جن میں سے۴۵۵۱(صوبہ جموں میں۱۶۶۲؍اور کشمیر صوبے میں۲۹۲۹)سر گرم معاملات ہیں۔اَب تک۴لاکھ۵۵ہزار۸۴۰؍اَفراد صحت یاب ہوئے ہیں ۔
بیان کے مطابق پچھلے چوبیس گھنٹوں کے دوران ضلع سرینگر میں ۱۰۵،ضلع بارہمولہ میں۸۸،ضلع بڈگام میں۱۳، ضلع پلوامہ میں ۱۰ ،ضلع کپواڑہ میں۱۸،ضلع اسلام آباد میں۲۱ ، ضلع بانڈی پورہ میں ۱۰؍اورضلع کولگام میںبھی ۱۰ نئے معاملے درج کئے گئے ہیں۔ گاندربل اور شوپیان اضلاع سے کسی بھی مثبت معاملے کی کوئی رِپورٹ نہیں ہے۔
اِسی طرح ضلع جموں میں۸۰، ضلع اودھمپور میں ۶،ضلع راجوری میں۷، ضلع ڈوڈہ میں۴، ضلع کٹھوعہ میں۶،ضلع سانبہ میں۷ ، ضلع پونچھ میں ۴؍ اورضلع رام بن میں۸ نئے مثبت معاملے سامنے آئے ہیں۔ رِیاسی اور کشتواڑ اضلاع میں کسی بھی مثبت معاملے کی کوئی رِپورٹ نہیں آئی ہے ۔
بیان کے مطابق اِسی مدت کے دوران جموں صوبے میں مزید ایک شہری کی کورونا سے موت درج ہو ئی ہے ۔اب تک جموں وکشمیر میں کوروناوائرس سے مرنے والوں کی مجموعی تعداد۴۷۷۲تک پہنچ گئی ،جن میں سے ۲۴۲۹کا کشمیر اور۲۳۴۳کاتعلق جموں صوبہ سے ہے۔
اِسی دوران آج مزید۷۰۴؍اَفراد شفایاب ہوئے ہیںجن میں۴۱۷کاکشمیر اور۲۸۷کا تعلق جموں صوبہ سے ہے۔