جنوبی افریقہ میں گزشتہ 5 ہفتوں میں منکی پاکس کے 13 واقعات کی اطلاع

جوہانسبرگ، 19 ستمبر (یو این آئی) جنوبی افریقہ میں گزشتہ 5 ہفتوں میں منکی پاکس کے 13 واقعات رپورٹ ہوئے ہیں۔
زیادہ تر کیسز کیپ ٹاؤن شہر سمیت ویسٹ کیپ صوبے میں سامنے آئے، 3 کیس گاؤٹینگ میں اور 1 کیس کوآزولو-نٹل صوبے میں درج ہوا۔
دوسری طرف وزارتِ صحت نے بتایا کہ کل کیسز میں سے 13 کیسز 13 اگست تا 17 ستمبر کے درمیان درج کیے گئے، اور اس سے وائرس کےمقامی طور پر تیزی سے پھیلاؤ کا اشارہ ملتا ہے۔
مریضوں کی عمریں 23 تا 50 سال کے درمیان تھیں؛ ان میں سے 17 مرد اور ایک خاتون بتائی گئی۔
اعلان میں کہا گیا کہ عالمی ادارۂ صحت کی معاونت سے محدود مقدار میں MVA-BN ویکسین اور Tecovirimat دوا فراہم کی گئی ہے اور انہیں وبا کو قابو میں لانے کے لیے استعمال کیا جائے گا۔
عالمی ادارۂ صحت (ڈبلیو ایچ او) کے مطابق، منکی پاکس ایک وائرل بیماری ہے جو Poxviridae فیملی اور Orthopoxvirus جنس کے منکی پاکس وائرس کی وجہ سے پیدا ہوتی ہے۔
بیماری کی عام علامات میں تیز بخار، سر، کمر اور پٹھوں میں درد، لمف غدود کا سوجنا، تھکاوٹ، سردی لگنا، کپکپی اور جلد پر چھالے شامل ہیں۔
منکی پاکس وائرس چوہوں اور گلہریاں جیسےجانوروں یا متاثرہ افراد سے منتقل ہو سکتا ہے۔
وائرس کی وجہ سے ہونے والے جلد کے چھالوں کو چھونا، ان چھالوں سے آلودہ کپڑے، چادریں، تولیے اور اسی قسم کے سامان کا استعمال، اور جسمانی رطوبتوں سے تعلق، پھیلاؤ کے اہم اسباب میں شامل ہیں۔